വാഷിങ്ടണ്‍: റിപ്പബ്ളിക്കന്‍ സ്ഥാനാര്‍ഥി ഡോണള്‍ഡ് ട്രംപ് അധികാരത്തിലേറുമെന്ന് ഉറപ്പായതോടെ എങ്ങനെ കാനഡയിലേക്ക് പോകാമെന്ന് നിരന്തരമായി സെര്‍ച്ച് ചെയ്ത് യുഎസിലെ യുവാക്കള്‍. ഗൂഗിള്‍ ട്രെന്‍ഡ്സ് ഡേറ്റ പ്രകാരം എങ്ങനെ കാനഡയിലേക്ക് പോകാം എന്ന് ഗൂഗിളില്‍ തെരയുന്നവരുടെ എണ്ണത്തില്‍ 400 ശതമാനം വര്‍ധനവുണ്ടായെന്ന് ന്യൂസ് വീക്കാണ് റിപ്പോര്‍ട്ട് ചെയ്തിരിക്കുന്നത്. വെര്‍മണ്ട്, ഒറിഗോണ്‍, വാഷിങ്ടണ്‍ തുടങ്ങി കമല ഹാരിസിനെ പിന്തുണച്ചിരുന്ന സ്റേററ്റുകളില്‍ നിന്നുള്ളവരാണ് ഇതില്‍ കൂടുതല്‍ പേരും.

തെരഞ്ഞെടുപ്പിനു പിന്നാലെ നാടു വിടാനുള്ള പദ്ധതിയിലാണ് പല അമേരിക്കക്കാരും എന്നാണ് ഈ കണക്കുകള്‍ സൂചിപ്പിക്കുന്നത്. കാനഡയിലേക്ക് പോകാം( ാീ്ല ീേ രമിമറമ), യുഎസില്‍ നിന്ന് കാനഡയിലേക്ക് പോകാം ( ാീ്ശിഴ ീേ രമിമറമ ളൃീാ ഡട), കാനഡയിലേക്ക് പോകാന്‍ ആവശ്യമുള്ളത് എന്നീ കീ വേര്‍ഡുകളുപയോഗിച്ചുള്ള സെര്‍ച്ചിലും വലിയ മുന്നേറ്റം ഉണ്ടായിട്ടുണ്ട്. സമൂഹമാധ്യമങ്ങളിലും ഇത്തരത്തിലുള്ള ഹാഷ് ടാഗുകള്‍ പ്രത്യക്ഷപ്പെട്ടിട്ടുണ്ട്. അതു പോലെ തന്നെ കാനഡയിലേക്ക് പോകുന്നവരെ സഹായിക്കുന്ന വിവരങ്ങള്‍ അടങ്ങിയ കുറിപ്പുകളും വ്യാപകമായി പങ്കു വയ്ക്കപ്പെട്ടിട്ടുണ്ട്.

2016 ല്‍ ട്രംപ് ആദ്യമായി അധികാരത്തിലേറിയപ്പോഴും സ്ഥിതി സമാനമായിരുന്നു. അന്ന് വന്‍ ട്രാഫിക് മൂലം കാനഡയുടെ ഇമിഗ്രേഷന്‍ വെബ്സൈറ്റ് പോലും തകരാറിലായി. കാനഡയ്ക്കു പുറമേ ജപ്പാന്‍, ബ്രസീല്‍, കോസ്ററാറിക്ക എന്നീ രാജ്യങ്ങളും സെര്‍ച്ചില്‍ ഉള്‍പ്പെട്ടിട്ടുണ്ട്.